मतकरींच्या गुढकथा या घाबरवण्याचा हेतू मनात घेऊन लिहिलेल्याच नाहीत, तर मानवी जीवनात घडणारं, आपल्या मनातलं-स्वभावातलं अनाकलनीय असं काही शोधून पाहण्याचा प्रयत्न यातल्या बहुसंख्य कथा करतात.
कथाकार गणेश मतकरी यांनी रत्नाकर मतकरी यांच्या कथांचे मर्म अशा शब्दांत उलगडले आहे. मतकरी म्हणतात त्याप्रमाणे या कथांमध्ये चमत्कृती किंवा गुढतेपेक्षाही वास्तववाद, अधिक दिसून येतो. 'अशब्द' यासारख्या काही गुढकथा वगळता, 'चंद्राक्का', भागीरथीची पाठवणी' या कथा तत्कालीन वास्तवाला जवळ जातात.
'एक दिवा विझताना' ही कथा मनोव्यापाराचा भेदक प्रत्यय देते 'सोनाराची बायको,' आणि 'असाही एक कलावंत,' या कथांमधून विनोदाचे दर्शन घडते.
